İçeriğe geçmek için "Enter"a basın

ԽՄԲԱԳՐԱՏԱՆՍ ՄԷՋ ՀԻՒՐԵՐ

Երէկ, հաճոյքն ունեցանք խմբագրատանս մէջ հիւրընկալելու՝ վերջերս հրատարակուած «Անի» գիրքին հեղինակը՝ Վետաթ Աքչայէօզն ու ՀԱՅՃԱՐ-ի վարչութեան ատենապետուհի Կիւլիւզար Արթուչը։ Վետաթ Աքչայէօզ, որ Կարս քաղաքէն է, ուսումնասիրութիւններ ունի պատմական Անի քաղաքի մասին եւ իր ծով պաշարը ցոլացուցած է այս նոր գիրքով։ Հրատարակչական այս կարեւոր ծրագիրը կեանքի կոչուած է ՀԱՅՃԱՐ-ի ջանքերով, ինչ որ կ՚արդարացնէ անոր առաքելութիւնը։

Երէկուան այցելութեան ընթացքին հիւրերը մեզի յանձնեցին ԺԱՄԱՆԱԿ-ի խմբագրութեան համար մակագրուած օրինակը։ Հաճելի զրոյցի ընթացքին արժեւորուեցան կոթողային այս գիրքի հրատարակութեան արձագանգներն ու խոստացած հեռանկարները։

Այս առթիւ հերթական անգամ կը շնորհաւորենք Վետաթ Աքչայէօզն ու ՀԱՅՃԱՐ-ը, որոնց համագործակցութիւնը տուած է իսկապէս ողջունելի պտուղ մը։

http://www.jamanak.com/content/%D5%A9%D6%80%D6%84%D5%A1%D5%B0%D5%A1%D5%B5-%D5%AF%D5%A5%D5%A1%D5%B6%D6%84/21-12-2022-%D5%AD%D5%B4%D5%A2%D5%A1%D5%A3%D6%80%D5%A1%D5%BF%D5%A1%D5%B6%D5%BD-%D5%B4%D5%A7%D5%BB-%D5%B0%D5%AB%D6%82%D6%80%D5%A5%D6%80

İlk yorum yapan siz olun

Bir Cevap Yazın