Ն.Ա.Տ. Սահակ Բ. Սրբազան Պատրիարք Հայրը, 20 Դեկտեմբեր 2022, Երեքշաբթի, ընդունեց Ֆերիգիւղի Ս. Վարդանանց Եկեղեցւոյ նորընտիր Թաղային Խորհուրդի անդամները, առաջնորդնորդութեամբ Արժ. Տ. Շիրվան Քհնյ. Միւրզեանի եւ գլխաւորութեամբ ատենապետ Մանուկ Էօղէրի։
Նորին Ամենապատուութիւնը ողջունեց այցելուներու ներկայութիւնն ու անգամ մը եւս շնորհաւորեց իրենց ընտրութիւնը։
Ատենապետ Մանուկ Էօղէր շնորհակալութիւն յայտնեց ընդունելութեան համար եւ ուրախութեամբ յայտնեց նաեւ, որ ընտրութենէն ետք շուտով ստացած են իրենց պետական վաւերացումը։
Ներկաներ յետ վաւերացման իրենց անդրանիկ պաշտօնական այցելութեամբ եկած էին Նորին Ամենապատուութեան աղօթքն ու օրհնութիւնը ստանալու։
Ընդունելութեան աւարտին Նորին Ամենապատուութիւնը իր հայրական օրհնութիւնը տուաւ Թաղային Խորհուրդին, յաջողութիւն մաղթեց իրենց եկեղեցանուէր գործունէութեանց մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun