Ն.Ա.Տ. Սահակ Բ. Սրբազան Պատրիարք Հայրը, 20 Դեկտեմբեր 2022, Երեքշաբթի, ընդունեց Պէշիկթաշի Ս. Աստուածածին Եկեղեցւոյ նորընտիր Թաղային Խորհուրդի անդամները, առաջնորդնորդութեամբ Արժ. Տ. Սարգիս Աւ. Քհնյ. Գույումճեանի եւ գլխաւորութեամբ ատենապետ Կարօ Վարժապետեանի։
Նորին Ամենապատուութիւնը ողջունեց այցելուներու ներկայութիւնն ու անգամ մը եւս շնորհաւորեց իրենց ընտրութիւնը։
Ատենապետ Կարօ Վարժապետեան շնորհակալութիւն յայտնեց ընդունելութեան համար եւ ուրախութեամբ յայտնեց նաեւ, որ ընտրութենէն ետք շուտով ստացած են իրենց պետական վաւերացումը։
Ներկաներ յետ վաւերացման իրենց անդրանիկ պաշտօնական այցելութեամբ եկած էին Նորին Ամենապատուութեան աղօթքն ու օրհնութիւնը ստանալու։
Ընդունելութեան աւարտին Նորին Ամենապատուութիւնը իր հայրական օրհնութիւնը տուաւ Թաղային Խորհուրդին, յաջողութիւն մաղթեց իրենց եկեղեցանուէր գործունէութեանց մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun