İçeriğe geçmek için "Enter"a basın

Քիմ Քարդաշյանն ու Փիթ Դեւիդսոնը հաստատել են իրենց սիրավեպը

Ամերիկյան լրատվամիջոցները գրում են, որ Քիմ Քարդաշյանն ու Փիթ Դեւիդսոնը պաշտոնապես հանդիպում են: Նրանց այս շաբաթ մի քանի անգամ տեսել են միասին ժամադրության գնալիս, իսկ երբ բռնացրել են միմյանց ձեռք բռնած, սիրավեպի մասին լուրերը հաստատվել են:

41-ամյա Քարդաշյանին ու 28-ամյա Դեւիդսոնին միասին Փալմ Սփրինգսում երեկ նկարել է Daily Mail-ը. նրանք ամենօրյա հագուստով զբոսնելիս են եղել Դեւիդսոնի տարեդարձից հետո:

Ավելի վաղ People-ին հայտնի էր դարձել, որ դերասանի տարեդարձին Քարդաշյանը երեկույթ է կազմակերպել իր մայրիկի՝ Քրիս Ջենների տանը: Դեւիդսոնը 28 տարեկան է դարձել նոյեմբերի 16-ին:


Us Weekly-ին էլ անանուն աղբյուրը տեղեկացրել է, որ Դեւիդոսնի կողքին Քարդաշյանը պարզապես փայլում է երջանկությունից.«Նրանց միջեւ իսկական կրակ կա ու ամեն օր այն ավելի է բռնկվում»,- հայտնել է նա: 

Քարդաշյանն ու Դեւիդսոնը ծանոթացել են հոկտեմբերին՝ NBC ալիքի Saturday Night Live շոուի ժամանակ: Նրանք մարմնավորել են Ժասմինին եւ Ալադինին եւ համբուրվել եթերում: 

Պատրաստեց՝ Հասմիկ Բաբայանը
BRAVO.am

https://bravo.am/news/76015/?fbclid=IwAR0r1ik6vmsI_GdtfWKHyv0CoY_oTwczPo2rp-XNkYNuTfL5rKsw-zu-Gts

İlk yorum yapan siz olun

Bir Cevap Yazın