Երէկ` երեքշաբթի, 23 մարտին, Հայրենիքի փրկութեան շարժումի խորհուրդը հրապարակեց յայտարարութիւն մը, որուն մէջ անդրադարձաւ Խորհուրդի յառաջիկայ աշխատանքներուն.
«Սիրելի՛ հայրենակիցներ,
Արդէն տեւական ժամանակ է` Հայրենիքի փրկութեան շարժումը տարատեսակ բողոքների եւ քաղաքացիական անհնազանդութեան շարժումների, հանրահաւաքների, իրաւական եւ քաղաքական այլ միջոցներով պայքարում է մեր երկիրն աղէտի հասցրած իշխանութեան դէմ:
Այս ընթացքում մեզ յաջողուել է ձեւաւորել հանրային լայն համախմբում վարչապետի աթոռին կառչած անձի հեռացման պահանջի շուրջ: Վարչախումբը թէեւ դանդաղ, սակայն հանրային լայն ճնշման ազդեցութեան տակ տեղի է տալիս:
Հասարակութեան եւ քաղաքական բոլոր ուժերի համար արդէն ակնյայտ է, որ առանց առկայ ճգնաժամի հանգուցալուծման հնարաւոր չէ Հայաստանի զարգացումը, աւելի՛ն` վտանգի տակ են երկրի ինքնիշխանութիւնն ու տարածքային ամբողջականութիւնը:
Միաժամանակ ակնյայտ է, որ շարունակական պայքարի գործելաոճը որոշակի անյարմարութիւններ է ստեղծում քաղաքացիների համար, որն ամենեւին շարժման նպատակը չէ:
Ելնելով վերը նշուածից` Հայրենիքի փրկութեան շարժման խորհուրդը պայքարի ներկայ շրջափուլում որոշել է.
Սկսել քաղաքական բողոքի շարժումների նոր ալիքընդլայնելով գործողութիւնների աշխարհագրութիւնն ու մարզերի բնակչութեան ընդգրկուածութիւնը: վերացնելով քաղաքացիների համար ստեղծուած անյարմարութիւնը:
Հանրային ճնշման պահպանման եւ շարժման հետագայ գործողութիւնների համակարգման նպատակով Դեմիրճեան փողոցում տեղակայուած վրանային ճամբարը յայտարարել շարժման շտաբ:
Վերականգնել Բաղրամեան պողոտայով ազատ տեղաշարժը
Շարժման հետագայ անելիքները ներկայացնելու համար մարտի 28-ին` ժամը 15:00-ին, Բաղրամեան-Դեմիրճեան փողոցներում հրաւիրւում է համապետական հանրահաւաք:
Հայրենակիցնե՛ր, մեր նպատակն ու օրակարգն անփոփոխ են: Պայքարելու ենք եւ յաղթենք»:
Yorumlar kapatıldı.