Հայկական մարզական լրատուամիջոցները կը հաղորդեն, որ Կոտայքի մարզի Քաղսի գիւղին մէջ 30 տարուան դադարէ մը ետք Վարսենիկ Վարդանեանի թափած ջանքերուն շնորհիւ բացուեցաւ դահուկարշաւի մարզական ակումբը` նպատակ ունենալով նպաստել այս մարզաձեւի առաւելագոյն ձեւով զարգացման:
Առաջին մրցաշարքը նուիրուած էր արցախեան երկրորդ պատերազմին ընթացքին զոհուած քաղսեցիներ Սեւակ Մնացականեանի եւ Սամուէլ Մելքոնեանի յիշատակին:
Մրցանակաբաշխութիւնը կատարեց Հայաստանի դահուկարշաւի ֆետերասիոնին ընդհանուր քարտուղար Գագիկ Սարգսեան:
Նշենք, որ աւարտին Քաղսիի միջնակարգ դպրոցին անունով հայրենիքին մատուցած ծառայութիւններուն համար զոհուած ազատամարտիկներու ընտանիքներուն յանձնուեցան շնորհակալագիրներ:
Yorumlar kapatıldı.