Լոյս տեսած է Հրանուշ Հրանդի Յակոբեանի «Յիշում ենք եւ պահանջում» խորագիրը կրող վերտառութեամբ ծաւալուն (840 էջ) գիրքը: Աշխատութիւնը կ՛ամփոփէ հեղինակի գիտական, հրապարակային զեկուցումները, ելոյթները, որոնք մեծ մասամբ նուիրուած են Հայոց ցեղասպանութեան 100-րդ տարելիցի նախապատրաստման, տարածաշրջանային յանձնախումբերու հետ ՀՀ Սփիւռքի նախարարութեան աշխատանքներուն:
Աշխատութեան մէջ ներկայացուած են նաեւ Հայոց ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովի գործունէութիւնը, նիստերուն ընթացքին հեղինակին ելոյթները, որոնք յատկապէս կը վերաբերին սփիւռքի տարբեր տարածքներու մէջ կատարուած աշխատանքներուն:
Անդրադարձ եղած է Հայոց ցեղասպանութեան 100-րդ տարելիցի Համահայկական հռչակագիրին, անոր բովանդակութեան ու հիմնական սկզբունքներուն, ինչպէս նաեւ համապետական, համահայկական հնչեղութիւն ունեցող ձեռնարկներուն, անոնց նշանակութեան:
Գիրքին մէջ տեղ գտած է նաեւ հեղինակի «Հայկական սփիւռքը յարափոփոխ աշխարհում» գիրքին այն հատուածը, որ նուիրուած է ցեղասպանութեան` «Հայոց ցեղասպանութիւնից 100 տարի անց» խորագիրով:
Աշխատութիւնը հրատարակութեան երաշխաւորած է Հայաստանի գիտութիւններու ազգային ակադեմիայի (ԳԱԱ) Պատմութեան ուսումնարանի գիտական խորհուրդը:
Yorumlar kapatıldı.