Ուրբաթ, 29 յունուար 2021-ի առաւօտուն, Լիբանանի մէջ Յունաստանի Հանրապետութեան նոր նշանակուած դեսպան Էքաթերինի Ֆունթուլաքի այցելեց Արամ Ա. վեհափառ հայրապետին: Այցելութեան նպատակն էր մօտէն ծանօթանալ Մեծի Տանն Կիլիկիոյ կաթողիկոսութեան եւ յատկապէս Լիբանանի հայ համայնքին:
Վեհափառ հայրապետը անհրաժեշտ բացատրութիւնները տուաւ դեսպանին` ներկայացնելով Լիբանանի հայ համայնքին կառոյցները եւ անոր քաղաքական դերակատարութիւնը: Այս առիթով վեհափառ հայրապետը նաեւ անդրադարձաւ սփիւռքի հայութեան դիմագրաւած մարտահրաւէրներուն:
Հանդիպման ընթացքին արծարծուեցան Արցախի պատերազմին, շրջանին մէջ Թուրքիոյ դերակատարութեան, հայ եւ յոյն ժողովուրդներու դարաւոր բարեկամութեան, ինչպէս նաեւ Յունաստանի հայութեան առնչուած հարցեր:
Yorumlar kapatıldı.