Բանակի օրուան առիթով Հայրենիքի փրկութեան շարժումի թեկնածու Վազգէն Մանուկեան հրապարակեց հետեւեալ ուղերձը.
«Հայո՛ց բանակ, տօնդ շնորհաւոր:
Այսօր չեմ խօսելու ցաւի ու կորստի մասին: Չեմ խօսելու պարտութեան, նենգութեան ու դաւաճանութեան մասին:
Այսօր ասելու եմ, որ մեր բանակը, մեր զինուորը, մեր սպան շարունակելու են լինել մեր երկրի եւ մեր ժողովրդի անվտանգութեան, արժանապատուութեան, հպարտութեան ու յաղթանակների երաշխաւորը:
Ես գիտեմ, որ բոլորիս ջանքերով մեր բանակը նորից վեր է յառնելու, ամուր սեղմելու է իր բռունցքն ու ցոյց է տալու աշխարհին իր ուժը: Միայն այդ դէպքում մենք կարող ենք կերտել հզօր, զարգացած, բարեկեցիկ եւ աշխարհում իր խօսքն ունեցող պետութիւն:
Այսուհետ ողջ հայութեան հաւաքական երազանքներից ու գերնպատակներից մէկը պէտք է դառնայ հայոց բանակի հզօրացումը:
Սա՛ է օրուայ ուղերձը, օրուայ խորհուրդն ու օրուայ երդումը»:
Yorumlar kapatıldı.