Լիբանանի փինկ փոնկի ֆետերասիոնը Մոն Լա Սալի մէջ (Այն Սաատէ) գումարեց իր երկրորդ ժողովը` նախագահութեամբ ֆետերասիոնին նախագահ Ժորժ Քուփալիի եւ այլ անդամներու:
Իր օրակարգին վրայ եղող հարցերը քննարկելէ բացի, ֆետերասիոնը կազմեց տարբեր տեսակի յանձնախումբեր` հրապարակելով անոնց նախագահներուն անունները:
Լիբանանի աղջկանց ազգային խումբի մարզիչ նշանակուեցաւ ՀՄԸՄ-ական Լարա Քեչեպաշեան, որ բաւական ծանօթ անուն մըն է այս մարզաձեւին մէջ եւ բազմաթիւ տիտղոսներ ապահոված է իր միութեան եւ ակումբին` ՀՄԸՄ-ին:
Յաջողութիւն կը մաղթենք Լարա Քեչեպաշեանին` իր այս նոր պաշտօնը ստանձնելուն առիթով:
Yorumlar kapatıldı.