Հայաստանի սամպոյի ֆետերասիոնին մամլոյ քարտուղարութիւնը կը հաղորդէ, որ Հայաստանի սամպոյի հաւաքականին անդամները տիրացան 5 մետալի աշխարհի բաժակի մրցաշարքի մրցումներուն, որոնք տեղի ունեցան Ռուսիոյ մայրաքաղաք Մոսկուայի մէջ:
Այս մրցաշարքին, որ աշխարհի բաժակի մրցաշարքի հանգրուաններէն մէկն է, իրենց մասնակցութիւնը բերին 14 երկիրներէ 130 մարզիկներ:
Արծաթէ մետալի տիրացան Տիգրան Կիրակոսեան (57 քկ) եւ Սամուէլ Բադալեան (68 քկ), իսկ պրոնզէ մետալակիր դարձան Արամ Աղաջանեան (62 քկ), Վահագն Չալեան (90 քկ) եւ Վարսիկ Գրիգորեան (56 քկ):
Yorumlar kapatıldı.