Բազմաթիւ ֆետերասիոններու նման կատարուեցան նաեւ Լիբանանի փինկ փոնկի նոր ֆետերասիոնին ընտրութիւնները, Մոն Լա Սալի մէջ (Այն Սաատէ)` ներկայութեամբ Լիբանանի ողիմպիական կոմիտէի ներկայացուցիչին:
Այս ընտրութիւններուն իրենց մասնակցութիւնը բերին ֆետերասիոնին մօտ անդամագրուած եւ քուէարկութեան իրաւունք ունեցող 102 ակումբներէն 76-ը:
Մրցակից կազմի չգոյութեան պատճառով, թեկնածու ներկայացած 11 անձերն ալ մաս կազմեցին նոր ֆետերասիոնին:
Նշենք, որ նոր նախագահ ընտրուեցաւ Ժորժ Քուփալի, որ փոխարինեց Սելիմ Հաժ Նիքոլան:
Իսկ ՀՄԸՄ-ի ներկայացուցիչ Րաֆֆի Մումջողլեան նոր նստաշրջանի մը համար վերընտրուեցաւ ֆետերասիոնի փոխնախագահ:
Յաջողութիւն կը մաղթենք ՀՄԸՄ-ի Լիբանանի Շրջանային վարչութեան ատենապետ Րաֆֆի Մումջողլեանին, որ միշտ ալ իր կարեւոր ներդրումը ունեցած է փինկ փոնկի մարզաշխարհին մէջ:
ՍտորեւԼիբանանի փինկ փոնկի ֆետերասիոնին նոր կազմը պաշտօններու բաժանումէն ետք.
Ժորժ Քուփալի (նախագահ), Րաֆֆի Մումջողլեան (փոխնախագահ), Ատել Տամըժ (փոխնախագահ), Փիեռ Հանի (ընդհանուր քարտուղար), Ուաէլ Նուրէտտին (գանձապահ), Կապի Արիտա (հաշուապահ), Ռիթա Պըսէյպես, Սահակ Պիտինեան, Նաժի Հալլալ, Ուիսամ Շիրի եւ Ռոյ Աքիքի (խորհրդականներ):
Yorumlar kapatıldı.