ՀՀԿ փոխնախագահ Արմեն Աշոտյանը գրում է.
«Ալիևի հանդուգն պահվածքը ԵԱՀԿ ՄԽ համանախագահների հետ իրոք արձանագրում է ի վնաս մեզ փոփոխված տարածաշրջանային իրողությունները։
Արևմտյան ներկայացուցիչների նման հրապարակային նսեմացումը ռևերանս էր Ռուսաստանի հասցեին, ում Ալիևը միկրովիրաբուժական ճշգրտությամբ զանազանեց Ֆրանսիայից և ԱՄՆ-ից։
Սակայն այդ պահվածքի հիմնական շահառուն, անշուշտ, Թուրքիան էր, որը պատերազմի խայտառակ կապիտուլյացիայից հետո մեր հաշվին դարձավ Հարավային Կովկասի լիարժեք բաժնետեր։
Ադրբեջանի նախագահի դեմարշը նաև ԵԱՀԿ ՄԽ համանախագահների ձևաչափի դե-ֆակտո ապալեգիտիմացման ուժեղ հարված էր։
Ի՞նչ է պետք Հայաստանին։
- Նախևառաջ, արագ ու վերջապես լուծել մեր ներքաղաքական թիվ մեկ խնդիրը և հեռացնել ազգային աղետի հեղինակին։ Ալիևի կեցվածքը ևս մեկ անգամ ապացուցեց նաև, որ մեզ անհրաժեշտ է օր առաջ փոխել հիմնական բանակցողին, ով այլևս չունի ոչ բարոյական իրավունք, ոչ էլ ներքին լեգիտիմություն խոսելու մեր ազգային շահերի մասին իրեն ամեն առիթով անպատասխան ստորացնող ու ծաղրող Ալիևի հետ։
-
Արցախի ապագան այսօր մեծապես կախված է նրանից, թե ով կկարողանա Մոսկվայի հետ ապահովել սեփական շահերի առաջխաղացման արդյունավետ մեխանիզմ։ Ակնհայտ է, որ Հայաստանի գործող ղեկավարությունը դա, մեղմ ասած, անել ի վիճակի չէ։
-
Պահպանել աշխատանքային կապերը Ֆրանսիայի և ԱՄՆ-ի հետ՝ հստակ արձանագրելով, որ այդ հարաբերությունները, սակայն, Արցախյան համատեքստում որոշիչ չեն լինելու և ընդամենը բարենպաստ ֆոն կարող են ծառայել։ Գործող վարչակազմը ապացիւցեց, որ ունակ չէ նման նիւրբ քաղաքական աշխատանքի։
Արցախի մնացած հատվածի ցանկացած դեռ հնարավոր հայանպաստ ճակատագիր պահանջում է ազատվել կապիտուլյանտ ռեժիմից։
«Աթոռ՝ թուրք-ադրբեջանական տանդեմին տրվելու դիմաց» իշխանական հասունացող գործարքը պետք է կանխել օր առաջ։
#հողատու»:
Yorumlar kapatıldı.