İçeriğe geçmek için "Enter"a basın

Եթե այս իշխանությունը օր առաջ չհեռանա, վտանգված են ՀՀ անկախությունը ու բնակչության ֆիզիկական գոյությունը․ Օհանյան

ՀՀ պաշտպանության նախկին նախարար, Արցախի Ազգային հերոս Սեյրան Օհանյանը, որը մասնակցել է արցախյան վերջին պատերազմին, գրառում է արել․

«Հայաստանի Հանրապետության, Արցախի Հանրապետության պետականության, հասարակության և անհատի անվտանգության ապահովման, կայուն զարգացման, հայ ինքնության պահպանման երաշխավոր իշխանությունը՝ ՀՀ վարչապետ Նիկոլ Փաշինյանն ազգային ժողովում իրեն սատարող մեծամասնության հետ,

ՀՀ Սահմանադրությամբ իրեն վերապահված պարտականությունները պատշաճ չկատարելով, իր ոչ հայամետ պետական քաղաքականությամբ, անարդյունավետ կառավարմամբ, բնակչության պառակտմամբ և միջազգային ներգրավվածությունն ապահովող ոչ լիարժեք արտաքին քաղաքականությամբ, երկիրը ներքաշեց ազգակործան պատերազմի մեջ և նույնիսկ մրցունակ Բանակով տարավ պարտության։

Եթե այս իշխանությունը իր ղեկավարի հետ օր առաջ չհեռանա, ապա վտանգված են Հայաստանի Հանրապետության անկախությունը, սահմանների անձեռնմխելիությունը, բնակչության ֆիզիկական գոյությունը»։

Ես լավ եմ զգում, շարունակում եմ իմ ծառայությունը․ Սեյրան Օհանյան


CIVILNET

Yorumlar kapatıldı.