Հայաստանի ֆութպոլի ազգային հաւաքականի խմբապետ Հենրիխ Մխիթարեան, Հայաստանի ֆութպոլի ֆետերասիոնի պաշտօնական կայքին տուած իր մէկ հարցազրոյցին ընթացքին, անդրադարձաւ Եւրոպայի գօտիի 2022-ի Մոնտիալին վիճակաձգութեան:
«Մեզի համար այդքան ալ գէշ չէ այս խմբակը, բայց որեւէ ազգային խումբ չենք կրնար անտեսել:
«Տարբեր խաղաոճերով պիտի խաղանք իւրաքանչիւր հաւաքականի դէմ, պիտի փորձենք շատ լաւ պատրաստութիւն տեսնել եւ պայքարիլ բոլորին դէմ` անխտիր:
«Յոյսով եմ, որ մեր ամէն կարելին պիտի ընենք եւ պիտի փորձենք անակնկալի բերել մեր բոլոր մրցակիցները», ըսաւ Մխիթարեան:
Նշենք, որ վիճակաձգութեան արդիւնքներուն լոյսին տակ, հայրենի կազմը, որ մաս կազմեց Ժ. խմբակին, իրեն մրցակից պիտի ունենայ Գերմանիան, Ռումանիան, Իսլանտան, Հիւսիսային Իրլանտան, Մակեդոնիան եւ Լիխթընշթայնը:
Yorumlar kapatıldı.