Միջերկրական ծովի արեւելյան հատվածի շուրջ վեճում Թուրքիայի հետ «մուկն եւ կատու» խաղը պետք է ավարտվի, հայտարարել է Եվրոպական խորհրդի նախագահ Շառլ Միշելը:
«Թուրքիան պետք է դադարեցնի իր սադրանքներն ու թշնամական հռետորաբանությունը»,- ասել է նա, հաղորդում է Reuters-ը:
Շառլ Միշելը ելույթ է ունեցել ԵՄ քաղաքական ղեկավարության` դեկտեմբերի 10-ին կայանալիք հանդիպումից առաջ, որի ժամանակ պետք է քննարկվեն պատժամիջոցները Թուրքիայի դեմ: Հոկտեմբերին ԵՄ-ն հրաժարվեց պատժիչ միջոցառումներից` Թուրքիային եւ Հունաստանին տարածքային վեճի շուրջ բանակցելու ժամանակ տալու համար:
«Հոկտեմբերին մենք որոշեցինք դրական օրակարգը, մենք ձեռք մեկնեցինք»,- ասել է Միշելը:
Թուրքիան ռազմածովային ուղեկցորդներով սեյսմիկ նավեր էր ուղարկել Հունաստանի եւ Կիպրոսի ջրեր` ածխաջրածինների որոնման համար, ինչը Հունաստանին դրդեց իր նավատորմը տեղակայել: Թուրքիան հետ էր կանչել իր նավերը հոկտեմբերյան գագաթնաժողովին ընդառաջ եւ կրկին արել է դա հաջորդ շաբաթ կայանալիք հանդիպումների նախաշեմին:
İlk yorum yapan siz olun