İçeriğe geçmek için "Enter"a basın

Նիկոլ Փաշինյանը մեկնաբանեց գիշերվա իր գրառումը

Բոլորս գիտենք, որ մեր հանրությունը հասկանալի պատճառներով բավականին լարված է, եւ երեկվա գրառման հետ կապված կարող եմ ասել, որ մի շարք արձագանքներ ի ցույց դրեցին, թե ինչպես է հատկապես լարված այս շրջանում մանիպուլյատիվ մեխանիզմներ գործում: Այս մասին, այսօր՝ նոյեմբերի 16-ին, առցանց ասուլիսի ժմանակ ասաց ՀՀ վարչապետ Նիկոլ Փաշինյանը:

Նա նախ ընթերցեց իր գրառումը, ապա շարունակեց. «Դուք տեղյակ եք, որ հայտնի նոյեմբերի 9-ից հետո առաջնագծից կամավորներ, զինվորներ տեսանյութեր են ձայնագրում եւ հրապարակում համացանցում, որտեղ աջակցության խոսքեր են  ասում կառավարության հասցեին, տալիս որոշ գնահատականներ: Շատ դեպքերում այնտեղ հնչում են շատ խորը վերլուծություններ, որոնց համար  հիմք են հանդիսանում այն իրադարձությունները, որոնք տեղի են ունեցել այդ տղաների աչքի առջեւ:

Ես գրում եմ՝ տղերք, դուք ճիշտ եք, սպասում եմ ձեզ Երեւանում: Ահա այս նախադասությունն է, որ հիմք է տվել ասելու, թե այստեղ քաղաքացիական պատերազմի ու բախումների կոչ կա: Եթե մեր հայրենակիցներն ուշադիր լինեն, կտեսնեն, որ այդ զինվորներից շատերը զորացրվում են եւ վերադառնում են իրենց ընտանիքներ: Այդ մարդկանցից շատերը խմբեր, նույնիսկ ջոկատներ ինձ ուղերձներ են հղում, որ ուզում են հանդիպել ինձ հետ եւ ես հարկ եմ համարել հրապարակային արձագանքել, որ  իրենց հետ իհարկե կհանդիպեմ եւ կկազմակերպեմ քննարկումը:

Հաջորդ նախադասությամբ ասել եմ. «Վերջնականորեն լուծելու պատերի տակ վնգստացողների հարցերը»: Իհարկե, այստեղ բավականին կոշտ ձեւակերպում է, բայց հաշվի առնելով, որ նաեւ երեկ իմացանք, որ այս արտահայտությունը նաեւ պաշտոնական մարմիններ են օգտագործում, ես այո, այդ արտահայտությունն օգտագործել եմ: Սա նշանակում է, որ առաջնագծի զինվորների վերադարձից հետո կամ նրանց հետ հանդիպման ընթացքում վերջնականորեն կմարեն բոլոր այն խոսակցությունները, որոնք շատ կտիվ շրջանառության մեջ են դրվում, որոնք այն մասին են, որ ՀՀ ռազմաքաղաքական ղեկավարությունը ինչ-որ դավադրությունների մեջ է ներքաշված եղել: Ո՞վ, եթե ոչ ռաջնագծում գտնված զինվորը գիտի այդ հարցի պատասխանը: Ինձ համար կարեւոր է  շփվել նրանց հետ, լսել նրասնց գնահատականները»,-ասաց Փաշինյանը:

Նա հավելեց, որ առաջնագծից ոչ ոք Երեւան չի վերադառնում զինված. «Դրված են հատուկ անցագրային կետեր, որտեղ գտնվողն իրավապահներին ներկայացուցիչները այդ խմբերին ուղեկցում են զորամասեր, նրանք իրենց զենքը սահմանված կարգով հանձնում են եւ ես երեկ այս թեմայով հերթական զրույցն եմ ունեցել ռազմական ոստիկանության պետի հետ, որ բացառենք որեւէ մեկի կողմից զենքերով Երեւան հասնելը:

Այստեղ նուրբ հարց կա, որ առաջնագծից  հրպարակված տեսանյութերի մեջ շատ կոշտ բառապաշար է հնչում, որը մտահոգիչ է: Մենք բոլորս տեսանք, թե ինչ տեղի ունեցավ նոյեմբերի 9-ի լույս 10-ի գիշերը Երեւանում. Հարձակման ենթարկվեց կռավարության, ԱԺ շենքերը եւ Կոնդի առանձնատների ՊՈԱԿ-ը: Այդ բռնությունները քաղաքական ուժերի կողմից դատապարտման չարժանացան: Սա շատ կարեւոր հանգամանք է: Նույնիսկ ՄԻՊ-ը այդ հարձակումները չդատապարտեց: Դատապարտման խոսքեր հնչեցին առաջնագծում գտնվող զինվորների կողմից:

Այս համատեքստում շատ կարեւոր  եմ համարում, որ իհարկե, Հայաստանում պետք է բացառենք ատելության խոսքը, քաղաքացիական բախումները”: Ի՞նչ քաղաքացիական պատերազմ, ո՞վ է դրա մասին խոսում: Ես ուզում եմ ասել, որ ՀՀ իրավապահ համակարգը ունեն բավարար ներուժ նման բան թույլ չտալու համար:

Հիմա հարց կհնչի, թե ինչու այդ ամենը նոյեմբերի 9-ի գիշերը չկանխվեց: Շատ պարզ պատճառով, որովհետեւ նույն ոստիկանության զորքերը, ԱԱԾ-ն, նույնիսկ պետական պահպանության մի մեծ հատված գտնվում էին առաջնագծում:

Ինձ որ դավադրության մեջ են մեղադրում, դավադրության գնացող կառավարությունը ԱԱԾ-ին, ոստիկանությանն ու պետական պահպանության ծառայությանն ուղարկում է առաջնագիծը պահպանելու, ինքն իրեն անպաշտպան վիճակում թողնելով դավադրության մեջ է մտնո՞ւմ:

Իմ գրառման հետ կապված շահարկումները համարում եմ անտեղի: Ես համարում եմ, որ առաջնագծից զորացրվող զինվորները նույնպես կարծիք ունենալու իրավունք ունեն: Եթե ուզում են ինձ հետ հանդիպել դահլիճային պայմաններում, եւ ես համաձայն եմ, դրա  մեջ որեւէ դատապարտելի բան կա: Նրանք են չէ՞ ճշմարտության կրողը իրադարձությունների մասին: Եթե կա դավադրություն, թող բացահայտվի, բոլոր մեղավորները պատժվեն: Բայց, կներեք, Երեւանից հեշտ չի գնահատական տալ նրանց համար, որոնք ամբողջական իրավիճակին չեն տիրապետում:

Այն, որ ռազմաքաղաքական դավադրություն չկա, ես դրանում համոզված եմ, բայց ինձ պետք է լսել նաեւ այդ տղաներին: Պարզաբանենք, հասկական, թե ինչ է տեղի ունեցել, ինչու է տեղի ունեցել, եւ արդյոք կան մեղավորներ, որոնք պետք է պատժվեն:

Ի՞նչ է նշանակում քաղաքացիական պատերազմի կոչ, երկրի վարչապետը քաղաքացիական պատերազմի կոչ է անո՞ւմ: Որտե՞ղ է այդպես գրված: Չի կարելի նման մանիպուլյատըիվ մոտեցում ցուցաբերել:

Եթե առաջնագծի զինվորներին ներգրավելու, ներքաշելու խնդիր լինի, կառավարությունը բոլոր լծակներն ունի. Ռազմական դրության ռեժիմը  հնարավորություն է տալիս նաեւ զինված ուժերին ներգրավելու նաեւ հասարակական կարգը պահպանելու հարցերում: Դրա համար սոցիալական ցանցում գրառում անելու անհրաժեշտություն կա՞, եթե անգամ այդ տրամաբանությամբ նայենք:

Ես հույս ունեմ, որ նրանք որոնք ճիշտ չեն հասկացել իմ գրառումը, կվերանայեն իրենց գնահատականը»,-ասաց նա:

https://news.am/arm/news/613663.html

İlk yorum yapan siz olun

Bir Cevap Yazın