ՌԴ նախագահ Վլատիմիր Փութին հեռախօսազրոյցներ ունեցած է Հայաստանի Հանրապետութեան վարչապետ՝ Նիկոլ Փաշինեանի եւ Ատրպէյճանի Հանրապետութեան նախագահ՝ Իլհամ Ալիեւի հետ։ Այս մասին կը յայտնէ Քրեմլինի պաշտօնական կայքը։
Վլատիմիր Փութինի հերթական հեռախօսային հաղորդակցութեանց ընթացքին քննարկուած են 9 նոյեմբերին Լեռնային Ղարաբաղի վերաբերեալ եռակողմ յայտարարութեան մէջ ամրագրուած պայմանաւորուածութիւններու իրագործման գործնական կողմերը: Գոհունակութիւն յայտնուած է, որ հրադադարի ռեժիմը կը պահպանուի, իսկ շփման գիծին վրայ իրադրութիւնը բաւականին հանգիստ է:
«Իլհամ Ալիեւի հետ զրոյցին Վլատիմիր Փութին, մասնաւորապէս, ուշադրութիւն հրաւիրած է այն հանգամանքին վրայ, որ այն շրջաններուն մէջ, որոնք, եռակողմ յայտարարութեան համաձայն, կը վերադարձուին Ատրպէյճանի Հանրապետութեան, կը գտնուին քրիստոնէական տաճարներ եւ վանքեր: Այս առումով ան կարեւորած է այդ սրբութիւններու պահպանութիւնն ու եկեղեցական բնականոն կենսագործունէութեան ապահովումը։ Ատրպէյճանի նախագահը այդ առումով ըմբռնում ցուցաբերած է եւ ըսած, որ ատրպէյճանական կողմը կը գործէ նման սկզբունքով»,- ըսուած է հաղորդագրութեան մէջ։
İlk yorum yapan siz olun