«Le Monde» պարբերականի 2 թղթակիցները մեկնեցին Ֆրանսիա

Մարտունիում թշնամու ռմբակոծությունից վիրավորված «Le Monde» պարբերականի 2 թղթակիցները քիչ առաջ «Էրեբունի» բժշկական կենտրոնից մեկնեցին Ֆրանսիա։ Այս մասին NEWS.am-ի հետ զրույցում ասաց ԲԿ-ի խոսնակ Շուշան Հունանյանը։

Հիշեցնենք, որ երեկ՝ հոկտեմբերի 1-ին, Մարտունիում Ադրբեջանի ռմբակոծությունից վիրավորվել են Le Monde-ի 2 լրագրող (Ֆրանսիայի քաղաքացիներ): Նրանցից մեկի վիճակը ծանր էր գնահատվում, վերջինիս վիրահատել են։ Մարտունի քաղաքում Ադրբեջանի ռմբակոծությունից վիրավորվել է 24news.am-ի լրագրող Սեւակ Վարդումյանը։ Մարտական գործողությունները լուսաբանելու ժամանակ հարձակման է ենթարկվել նաեւ «Արմենիա» Հ/Ը «Ժամը» լրատվական նկարահանող խումբը։ Վիրավորում է ստացել օպերատոր Արամ Գրիգորյանը, վնասվածքը թեթեւ է։

https://news.am/arm/news/605594.html?__cf_chl_jschl_tk__=209b240fae1c17a3838acb3a7c6ebd241d6b8103-1601637519-0-AZok0EKPVHnfwdAOe0LyEOJX74–khub2Ur5fEU5qlZjrECeTjzp0ZtQfk0d8RkbPA3pRwX5iGi62fertLnqhQefju3Dm3GQVX0EkqeV1hpuFLd3Hl3cx-7K1N1CI6ny6B1ebAD_lUS-DKM-XGRo-VJhNu3aGoQZnqWNgVufLFJsSukHUd-UF_wZNqBFWiQCIMnSlD5Wq5tgb3_YnbD6WDZo9TJMzBLGO1wEP0EDTtg1gKJhcYaRFFvnr8hcWnLnF2K8OnisLS9onWFEsoH7XTJ3pn-uup4JE4t1ghKsa2ag