24 սփյուռքահայ բարձրակարգ մասնագետներ սկսում են աշխատանքը ՀՀ կառավարությունում

Առաջին փուլով 24 սփյուռքահայ բարձրակարգ մասնագետներ սկսում են աշխատանքը ՀՀ կառավարությունում:Այս մասին հայտնում են Սփյուռքի Գլխավոր Հանձնակատարի Գրասենյակ ից:

«Նրանք այսօրվանից մեկնարկում են: Առաջին փուլով 24 սփյուռքահայ բարձրակարգ մասնագետներ սկսում են աշխատանքը ՀՀ կառավարությունում: Կանադայից, Դանիայից, Ռուսաստանից, Լիբանանից, Ֆրանսիայից, Նորվեգիայից մինչև Իսրայել, Նիդերլանդներ ու Չինաստան. նրանց անգամ համաճարակը չի խանգարել հասնել Հայաստան:

Ծրագրի մասնակիցներին ողջունեց ու բարի գալուստ մաղթեց Գլխավոր հանձնակատար Զարեհ Սինանյանը: Հանձնակատարը հույս հայտնեց, որ նրանք հայրենիքում կունենան անփոխարինելի աշխատանքային փորձառություն:

Այնուհետ մասնակիցներին  «Դեպի Հայք» հիմնադրամի տնօրեն Սևան Գապագեանը և «RepatArmenia» հիմնադրամի համահիմնադիր Վարդան Մարաշլյանը ներկայացրին հայաստանյան պետական մարմիններում աշխատելաոճի առանձնահատկությունները և միջավայրին արագ ինտեգրման համար գործնական խորհուրդներ տվեցին:

COVID-19-ով և օդային սահմանափակ հաղորդակցությամբ պայմանավորված՝ ծրագրի  մյուս մասնակիցները Հայաստան կժամանեն մի փոքր ավելի ուշ»:

https://news.am/arm/news/599890.html?__cf_chl_jschl_tk__=b420e2dfadc24e62f2f97dbb57ee08f831cfe3a1-1599038780-0-Ad6g0JCYIRo0apvXhynVM-oG6a2ceM7KSXfXtJ7sG6jfcgrRzrtGILCQMETSyV6s5QuYIvEB6DuixUqsINIcttcDChcv_QOf4ESo8LHMl7p3HfKqIJyl-XSKVaTLAmWQWuEYvFdQfminTTPr7_nDfMjF6zWmNyMAx2fbFKo6HwX9yOnsse7JxFh8X_5RQ2yhUvvhPkEeDUanOPzV4RYwGaIFcRP5IEB-fRJuZWVcO0hWfhaThV2op1IN7LQgbRDnfg4xjuoGqhGFZ0RPd2-C8ssxaHkHH7chPtTnv8MiQ8dgSXXFlKrrMvANh1a0_g9mqVr_WascKo_isaI7fb_C7cMZ4_5b26Tzcb7TJT49l8Gz