Մահացել է իրանահայ ճանաչված բարերար, գործիչ Լեւոն Ահարոնյանը

Երեկ՝ օգոստոսի 27-ին մահացել է ազգային-հասարակական գործիչ, բարերար, գործարար Լեւոն Ահարոնյանը: Տեղեկությունը փոխանցում է իրանահայ «Ալիք» օրաթերթը:

Լեւոն Ահարոնյանը ծնվել էր 1930 թվականին, հայկական պատմական Սալմաստ գավառի Հաֆթվան գյուղում:

1980-ական թվականներին երկար տարիներ եղել է Թեհրանի Հայոց Թեմական խորհրդի անդամ եւ ատենապետ։

Հայաստանի վերանկախացումից հետո նա առանցքային դերակատարություն է ունեցել Իրան-Հայաստան առեւտրատնտեսական հարաբերությունների ձեւավորման եւ զարգացման գործում։

Գործչի անմիջական ջանքերով է կառուցվել Իրանը Հայաստանին կապող ժամանակավոր կամուրջը։

1993 թվականին նա իր գործընկերների հետ հիմնադրել է Իրան-Հայաստան առեւտրի պալատը, որը ղեկավարել է երկար տարիներ։

Բարերարի միջոցներով է կառուցվել Թեհրանի Զեյթուն թաղամասի հայոց ազգային «Ա. Ա. Ահարոնեան» մանկապարտեզը։

Նա բարերարությամբ է զբաղվել նաեւ Հայաստանում. նրա ներդրմամբ վերանորոգվել են դպրոցներ, հիմնանորոգվել է Հայաստանի Բնության թանգարանը:

Լեւոն Ահարոնյանը եղել է նաեւ «Յոյս» հասարակական-մշակութային հանդեսի հիմնադիրը:

https://news.am/arm/news/599283.html?__cf_chl_jschl_tk__=feda0118ee24341aebfbffdf78e56b2f9258cc98-1598647369-0-AX6pxmwtIqxKzv3Q1quEcMA4ZDEn6ShGT1dE7tlMOCIflQ0G8zhpeRZDidKd-4J1RGlphVFTfSnKhUgPljAwLp00d9ILXKRsfGcIs2G_hSHvD1SUoFNttovLOvULBVIm9KUiXR8rynlSlBG62-2IcvZVQRhxBv-gkx1njcHG7b0dHX3SztbnvARdUiGgZ7wJHFf8ystC0Fg1ECax_8SI8dOxlR-Gl0fh4uWXbuYTMvAUo3tlDRYamoirnXZ-2p1Z9iSL3yDl4w8Og_viXPoRPyOjo5Q-AV6gYhfWA094eVhtVvKUZyeimEG2Jr5TX7FFggxs8njAwS9_R4DOplwMvayJ2OCryJr77nyeCNI0139C