İçeriğe geçmek için "Enter"a basın

Հանրապետության նախագահ Արմեն Սարգսյանը նամակ է հղել Մեծի Տանն Կիլիկիո Արամ Ա կաթողիկոսին

Հանրապետության նախագահի աշխատակազմի տեղեկատվության եւ հասարակայնության հետ կապերի վարչության հաղորդմամբ՝ Արմեն Սարգսյանը նամակ է հղել Ն.Ս.Օ.Տ.Տ. Մեծի Տանն Կիլիկիո Արամ Ա կաթողիկոսին: Այս մասին հայտնում են ՀՀ նախագահի աշխատակազմից։

«Ցնցված եմ ու խոր ցավ եմ ապրում բարեկամ Լիբանանին, Լիբանանի եղբայրական ժողովրդին ու լիբանանահայ մեր հայրենակիցներին պատուհասած այս մեծագույն դժբախտության լուրից,- մասնավորապես նշված է նախագահի նամակում:- Բեյրութն առաջին անգամը չէ, որ առնչվում է արտակարգ իրավիճակի, կհաղթահարվի նաեւ այս մեկ փորձությունը:

Հայ ազգային կառույցների համախմբումն ու միակամ գործողությունները նույնպես զորեղ աջակցություն կլինեն մարդկային ու պետական այս ճգնաժամը հաղթահարելու համար»:

Նախագահ Սարգսյանն իր զորակցությունն է հայտնել Վեհափառին, Մայրավանքի հոգեւոր դասի բոլոր ներկայացուցիչներին, ազգային ու եկեղեցական գործիչներին, բոլոր լիբանանահայերին:

Նախագահ Արմեն Սարգսյանը Բեյրութում ստեղծված իրավիճակը եւ լիբանանահայության հետ կապված խնդիրներն այսօր քննարկել է նաեւ Հայկական բարեգործական ընդհանուր միության (ՀԲԸՄ) նախագահ Պերճ Սեդրակյանի եւ ՀՅԴ բյուրոյի ներկայացուցիչ Հակոբ Տեր-Խաչատուրյանի հետ հեռախոսազրույցների ընթացքում:

https://news.am/arm/news/595592.html?__cf_chl_jschl_tk__=9ea3f7267f80d6e9ff81f1b07e3f2aa0a08f89f1-1596725466-0-AdklTPFPvRaeJHOrjdyAkqTOxP9A7RPIUT0RaVV3gio2lbs_OmJ9oyi5fQNgBP-vUqXCRwDN-Y24FpRCIhxh8Dwk5w6olsQFXRw7DmBA2n40fhJ_W3oHbGrIJfI0Yb9Plvf-xrWFqckttmYzOgettLGamitR4t6iTcnC9FgBh-DZSta-RavE9rxPBJAv2Lj87MGHhtE1TzTs2IIUpkXuiTLFHfA1QK6Qgxhwj5F0bShId33aqwhx6CYfAr7upieiD2GZ_PI989H98mqsFKDDyUPKfjVd6nN0tTHKVxSKAiAHnWvwiowPhS40Nsg_9cpZtd1MmHpMZq1HYc3S68A3JL5YHRuUGII6q8_dTC1mzCI0

İlk yorum yapan siz olun

Bir Cevap Yazın