«իԳործ» ծրագրի շրջանակներում Հայաստանի կառավարության տարբեր գերատեսչություններում 20 տեղերի համար դիմել են սփյուռքի 800 երիտասարդ մասնագետներ, որոնցից 100-ը այս տարի կներգրավվեեն պետական կառավարման համակարգում որոշումների ընդունման գործընթացի մեջ:
Այս մասին «Սահմանափակման մեջ, սակայն անսահմանափակ Սփյուռքի շնորհիվ. երկխոսություն Հայաստանի եւ սփյուռքի միջեւ» թեմայով առցանց քննարկման ժամանակ ասաց Սփյուռքի հարցերով գլխավոր հանձնակատար Զարեհ Սինանյանը: Նրա խոսքերով՝ ծրագիրը հետագայում եւս կշարունակվի, քանի որ Հայաստանում շատ լուրջ է բարձր որակավորում ունեցող, այդ թվում՝ սփյուռքից կադրերի պահանջարկը: Պաշտոնյան հավելեց, որ համավարակի պատճառով «Քայլ դեպի տուն» ուսումնաճանաչողական ծրագիրը կանցկացվի օգոստոսին՝ առցանց ռեժիմով: «Առցանց ռեժիմով երկու շաբաթը մեկ քննարկումներ են տեղի են ունենում սփյուռքի ներկայացուցիչների հետ»,- նշեց նա:
Սինանյանն ընդգծեց նոր պայմաններում Հայաստանի եւ սփյուռքի համագործակցության կարեւորությունը, որն արդեն ցույց է տվել իր արդյունավետությունը համավարակի ընթացքում, այդ թվում՝ տարբեր երկրներից բժշկական սարքավորումներ եւ այլ իրեր գնելու եւ Հայաստան առաքելու հարցում օգնության տեսքով: «Միաժամանակ, ճգնաժամը բացասաբար է անդրադարձել շատ երկրներում, այդ թվում՝ Սիրիայում, Ռուսաստանում, Լիբանանում, Իրանում հայ համայնքների վիճակի վրա, եւ այդ պատճառով անհրաժեշտ է երկկողմ կապ հաստատել: Ինչ վերաբերում է հայրենադարձությանը, ապա այս խնդրին պետք է մոտենալ ոչ միայն որպես ֆիզիկական վերադարձի, այլ նաեւ որպես Հայաստանում մարդկանց պահելու սոցիալական խնդրի: Դրա համար մենք պետք է իրականացնենք լուրջ նախապատրաստական աշխատանք»,- եզրափակեց պաշտոնյան:
İlk yorum yapan siz olun