Քիչ առաջ Սուրիոյ Հանրապետութեան նախագահ Պաշար Ալ Ասատին ուղղած իր նամակին մէջ Ն.Ս.Օ.Տ.Տ. Արամ Ա. Կաթողիկոս ջերմօրէն ողջունեց Սուրիոյ Հանրապետութեան Խորհրդարանին կողմէ, այս առաւօտ, ցեղասպանութեան առնչուած իր առած որոշումին համար:
«Վստահ ենք, որ Դուք եւ Ձեր հայրը կարեւոր դեր ունեցաք ցեղասպանութեան դատապարտումի գծով եւ Ձեր հրապարակային կեցուածքներուն ճամբով անցնող տարիներու ընթացքին: Այս առիթով, կ’ուզենք նաեւ շեշտել, որ Սուրիոյ ժողովուրդը իր բաղկացուցիչ տարրերով՝ իր պետութեամբ ու բոլոր կառոյցներով արդէն իսկ 100 տարիներ առաջ ճանչցած էր Հայոց Ցեղասպանութիւնը, երբ իր հողին վրայ ընդունած էր ցեղասպանութեան զոհ դարձած հայ ժողովուրդի ողջ մնացած զաւակները:
Դուք ցեղասպանութիւնը ճանչցած եղաք եւ ցեղասպանութենէն ճողոպրած մեր զաւակներուն հետ Սուրիոյ ժողովուրդը կիսեց իր հացն ու ջուրը, ահա թէ ինչու մեր ժողովուրդը Սփիւռքին մէջ յատուկ ուրախութեամբ կ’ողջունէ Սուրիական Խորհրդարանի այս որոշումը: Մեր բարձր գնահատանքը կ’ուզենք յայտնել Սուրիոյ Խորհրդարանին, Ձեր վսեմութեան եւ Սուրիոյ ժողովուրդին:
Այս առիթով, Սուրիական հայրենիքին կը մաղթենք խաղաղ եւ բարգաւաճ օրեր»:
https://www.facebook.com/CatholicosAramI/photos/a.472768652745040/2928774063811141/?type=3&theater
İlk yorum yapan siz olun