Հորդանանի հայ համայնքը պատմական նշանակություն ունի մեր երկրի համար: Այս մասին փետրվարի 11-ին Երեւանում ՀՀ վարչապետ Նիկոլ Փաշինյանի հետ հանդիպումից առաջ հայտարարել է Հորդանանի թագավոր Աբդալլահ II:
«Դուք կարևոր դեր եք խաղում տարածաշրջանում եւ, ակնհայտորեն, իմ երկրում, Երուսաղեմում եւ Հորդանան գետի արևմտյան ափին»,- շեշտել է նա:
Թագավոր Աբդալլահ II նշել է, որ գտնվում է Հայաստանում Հորդանանի եւ «տարածաշրջանում տուժած հայերի» հատուկ հարաբերությունների 100-ամյակի կապակցությամբ: «Կարծում եմ, որ մենք սերտորեն աշխատելու ենք, որպեսզի խանդավառորեն եւ ուրախությամբ նայենք դեպի ապագա` մեր հարաբերությունների հաջորդ 100 տարիներին»,- հավելել է նա:
Հորդանանի թագավորը նշել է, որ հանդիպել է մասնավոր հատվածի ներկայացուցիչների հետ, որոնք շատ հետաքրքրված են երկրների միջեւ համագործակցության նոր հնարավորություններով:
«Ուստի ես կարծում եմ, որ մենք շատ անելիքներ ունենք, եւ ես լավատեսորեն եմ տրամադրված»,- հավելել է նա:
İlk yorum yapan siz olun