Թուրքական դատարանը հրապարակել է 2011 թվականի ապրիլի 24–ին սպանված հայ զինվոր Սեւակ Շահին Բալըքչըի դատական վճռի ամբողջական տարբերակը։
Ինչպես տեղեկացնում է Ստամբուլի հայկական «Ակոս»–ը, դատարանի հրապարակած դատավճռի մեջ հիմնավորումներն են, որ ամբաստանյալ Քվանչ Աղաօղլուն դիտավորյալ է կրակել Սեւակ Շահին Բալըքչըի վրա։
Այս տարվա հունվարի 12–ին դատարանը կայացրեց վճիռ, որով Քվանչ Աղաօղլուն դատապարտվեց 17 տարվա ազատազրկման։
Նշենք, որ 2011-ի ապրիլի 24-ի առավոտյան Սեւակն սպանվել էր մեկ այլ զինծառայող` Քվանչ Աղաօղլուի կողմից: Սպանության հետ կապված ժանդարմերիան հայտարարել է, որ այն տեղի է ունեցել ծառայակից ընկերոջ հետ կատակ անելու ժամանակ, իբր, պատահաբար արձակված կրակոցից։ Սեւակի ծնողները պնդում են, որ իրենց որդուն սպանել են ազգայնականության հողի վրա՝ հայ լինելու համար։
İlk yorum yapan siz olun