Հայաստանը 98-րդ տեղն է զբաղեցրել Համաշխարհային տնտեսական ֆորումի հրապարակած սեռերի հավասարության վարկանիշում (Global Gender Index):
Հայաստանը, սակայն, լավագույն արդյունք ունի տնտեսության տեսակետից, որտեղ զբաղեցրել է 78-րդ հորիզոնականը, եւ կրթություն ստանալու հավասարության տեսակետից (45-րդ տեղ):
Ինչ վերաբերում է հարեւան երկրներին, ապա սեռերի հավասարության վարկանիշում Վրաստանը 74-րդ տեղում է, իսկ Ադրբեջանը 94-րդ:
ՀՏՖ փորձագետներն ընդհանուր առմամբ հանգել են այն եզրակացության, որ գլոբալ գենդերային խզումը մի փոքր կրճատվել է՝ մինչեւ 68,6 տոկոս: Արդեն 11 տարի անընդմեջ առաջին տեղում է Իսլանդիան, որին հաջորդում են սկանդինավյան հարեւանները՝ Նորվեգիան, Ֆինլանդիան եւ Շվեդիան:
153 երկրից 85-ում, որոնք մտել են վարկանիշային ցուցակ, երբեք չի եղել կառավարության կին ղեկավար: Գենդերային առավել մեծ հավասարությամբ 10 երկրից 5-ում երկիրը ղեկավարում են կանայք:
İlk yorum yapan siz olun