ՍՈԻՐԲ ԱՍՏՈՒԱԾՍԾՆԻ ԳՈՏՒՈՅ ԳԻՒՏԻ ՅԻՇԱՏԱԿԸ

1 Սեպտեմբեր 2019 Կիրակի

Ս. Աստուածածնի գոտիի գիւտը Տիրամօրը նուիրուած Հայ Առաքելական Եկեղեցւոյ եօթը տօներէն մէկն է: Այս հանգամանքը, ակնհայտ կերպով ցոյց կուտայ, Ս. Կույսի՝ հայ ժողովուրդի հոգևոր կեանքին մէջ ունեցած կարևոր և նշանակելի տեղի ու դերի մասին: 

Ան, որպէս մայրութեան և առաքինութեան կատարեալ օրինակ, դարերէ ի վեր իր այդ հատկանիշներով կերտած ու ձևավորած է հայ օրիորդի, կնոջ և մօր նկարագիրն ու դիմագիծը՝ միաժամանակ հրաշագործութիւններով այսօր ալ կը շարունակուի իր կենդանի ներկայութիւնն ու ներգործութիւնն ունենալ մեր կեանքը: 

Արկադիոս Կայսրի օրերուն  (395 – 408թթ.) Երուսաղեմ կը գտնուի Ս. Աստուածածնի գոտին, որ յատուկ ուշադրութեամբ և հարգանքով կը  տարուի Կ. Պոլիս: Այստեղ հաւատացեալները մեծ երկիւղածութեամբ այն կը զետեղեն եկեղեցի: Յոյները հետագային Ս. Մարիամին նուիրուած նոր եկեղեցի կը կառուցեն և գոտին կը դնեն այնտեղ՝ հաւատացեալներու համար պաշտամունքի և տօնակատարութեան առարկայ դարձնելով: Հայ իրականութեան մեջ Ս. Աստուածածնի գոտիի գիւտի տօնը 1774 թուականին կը ներմուծէ Սիմեօն Երևանցի Հայրապետն՝ իր հրատարակած օրացոյցի մէջ:

Առհասարակ, Քրիստոսի Եկեղեցին թէ` սուրբերու մասունքներու, թէ` անոնց գործածած որոշ իրերու հանդէպ ունեցած է և այսօր ալ ունի յուրահատուկ վերաբերմունք:

Աստուածաշունչը և եկեղեցական կեանքի փորձառութիւնը կը  փաստեն, որ Ամենակարող Աստուած իր զօրութիւնը նաև այդ առարկաներու միջոցով կ’արտահայտէ: Սուրբգրային լաւագույն վկայութիւնն այն դրուագն է, որտեղ կը ներկայացուի, թէ ինչպէս մեռած մարդու դիակը, դպչելով Եղիսէ մարգարէի ոսկորներուն,  վերակենդանացած է (Դ Թագ. 13: 21): 

Ուստի, Եկեղեցին հարգանք ցուցաբերելով աստուածային զօրութեամբ օժտուած իրերու նկատմամբ, անոնց միջոցով իր պաշտամունքն ու երկրպագութիւնն կը մատուցանէ ճշմարիտ Աստուծոյ:

Աղբիւր։  Qahana

Թարգմանութիւն Անուշ Գարմէն Սար