İçeriğe geçmek için "Enter"a basın

Մայր Աթոռը պարզաբանել է Սուրբ Էջմիածնի դեմ դատական հայցերի հետ կապված տեղեկությունները

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Վերջին շրջանում Մայր Աթոռ Սուրբ Էջմիածնի կառուցապատման աշխատանքներին առնչված տարբեր շինարարական կազմակերպությունների սեփականատերեր դատական հայցեր են ներկայացրել Սուրբ Էջմիածնի դեմ, ինչը, ցավոք, որոշ լրատվամիջոցների կողմից շահարկվում է անպարկեշտ վերագրումներով: «Արմենպրես»-ի հարցմանն ի պատասխան այս մասին ասաց Մայր Աթոռի տեղեկատվական համակարգի տնօրեն Վահրամ քահանա Մելիքյանը:

«Մայր Աթոռ Սուրբ Էջմիածնի կողմից բարերարների նվիրատվությամբ իրականացված շինարարական ծրագրերի դիմաց վճարումները կատարվում են ըստ փաստացի աշխատանքի, որի վերահսկողությունը  իրականացնում է Մայր Աթոռի ճարտարապետական բաժինը: Յուրաքանչյուր բարերար իր ստանձնած ծրագրի վերաբերյալ ստանում է ֆինանսական ամբողջական հաշվետվություն, որի հիման վրա բարերարի կողմից փոխանցվում է անհրաժեշտ գումարը:

Մայր Աթոռը երբեք չի կարող թույլ տալ, որ անբարեխիղճ և անազնիվ կերպով վատնվեն եկեղեցաշինության և տարբեր կրթական ու սոցիալական ծրագրերի համար բարերարների կողմից ազգին ընծայաբերվող միջոցները»,- ասաց նա:

Վահրամ քահանա Մելիքյանը հաստատեց նաև, որ նախընթաց տարիներին և այսօր Մայր Աթոռը իրականացնում է մեծ ծավալի շինարարական աշխատանք՝ արդյունավետ կերպով գործակցելով տասնյակ ընկերությունների հետ:

https://armenpress.am/arm/news/986385.html

İlk yorum yapan siz olun

Bir Cevap Yazın