İçeriğe geçmek için "Enter"a basın

ՎԵՐԱՓՈԽՈՒՄՆ ՍՈՒՐԲ ԱՍՏՈՒԱԾՍԾՆԻ

18 Օգոստոս 2019 Կիրակի 

Հայ Առաքելական Սուրբ Եկեղեցին մեծ շուքով և հանդիսաւորութեամբ կը նշէ Ս. Աստուածածնի Վերափոխման տօնը: Այն Հայ Եկեղեցւոյ հինգ տաղաւար տօներէն չորրորդն է և Տիրամօր նուիրուած տօներէն ամէնահինը: Աւանդութեան համաձայն՝ Ս. Կոյսը Յիսուս Քրիստոսի խաչելութիւնէն յետոյ շուրջ 12 տարի կ’ապրի Երուսաղեմ՝ Ս. Յովհաննէս Աւետարանիչի խնամատարութեան ներքեւ: Օր մը Գաբրիէլ հրեշտակապետէն կը ստանայ երկրէն երկինք վերափոխման աւետիսը. «Ուրախացի՛ր, բերկրեալդ կանանց մէջ, քանզի քեզ կը կանչէ մեր Արարիչը, քու Միածին Որդին»: Սուրբ Աստուածածինն այս բարի լուրը կը հայտնէ իր ազգականներուն, բոլոր քրիստոնեաներուն և առաքեալներուն` պատուիրելով ինքը թաղեն Գեթսեմանիի ձորակը: 
Երբ Ս. Կույսը կը ննջէ, անոր  հոգին կը խառնուի լուսեղէն զորքին, իսկ մարմինը չի այլակերպիր, այլ  Սուրբ Հոգիի շնորհքով  կը բուրայ անուշահոտ խնկի պէս: Երանելի սուրբ առաքեալները իրենց ուսերու վրայ կը վերցնեն Աստուածամօր սուրբ նշխարները և ջահերով, մոմերով, սաղմոսերգութեամբ ու օրհնութեամբ կ’առաջնորդուին դէպի Գեթսեմանի: Օրհնեալ մարմինը կը դնեն գերեզման։ 
Առաքեալներէն՝ Ս. Բարդուղիմեոսը, Աստուածամօր ննջման և թաղման օրերուն Երուսաղեմ չէր: Երբ կու գայ ու կ’իմանայ կատարուածը, խիստ կը վշտանայ որ չի արժանացած Աստուածամօր տեսութեան: Յետոյ կ’աղաչէ Ս. Պետրոսին և միւսներուն իրեն ցույց տան Աստուածածնի մարմինը: Առաքեալները ահուդողով աղօթք կ’նեն ու կը կատարեն իրենց եղբոր փափաքը։ Կը բանան գերեզմանը և այն դատարկ կը գտնեն: Այնտեղ էին միայն Աստուածամօր պատանքները:Առաքեալները կը փառաւորեն Աստուած։ Այդժամ Ս. Թովմասը երգ մը կը ձոնէ Ս. Աստուածամօրը, որը մինչև այսօր կ’երգուի եկեղեցին. 
«Փառաւորեալ և օրհնեալ միշտ սուրբ Կոյս Աստուածածին Մարիամ՝ մայր Քրիստոսի, մատուցիր մեր աղաչանքները Քու Որդիին և մեր Աստուծոյն»: Քանզի Ս. Աստուածամայրը միշտ կենդանի է Աստուծոյ առջև:

Աղբիւր։ Qahana

Թարգմանութիւն Անուշ Գարմէն Սար

İlk yorum yapan siz olun

Bir Cevap Yazın

%d blogcu bunu beğendi: