İçeriğe geçmek için "Enter"a basın

ՏՕՆ ՇՈՂԱԿԱԹԻ` Ս. ԷՋՄԻԱԾՆԻ, ըստ Ս. Գրիգոր Լուսաւորչի Տեսիլքի

17 Օգոստոսի 2019

Շողակաթի տօնը Ս. Էջմիածնի Մայր Տաճարի նաւակատիքի տօնն է: Ըստ Ագաթանգեղոս պատմիչի` հայոց աշխարհի երկրորդ լուսաւորիչ Ս. Գրիգորը տեսիլք մը կը տեսնէ, ուր Քրիստոս Աստուած կ’իջնէ երկինքէն և ձեռքի ոսկէ մուրճով կը հարուածէ Սանդարամետ կոչուած կռատան տեղը: 
Աննկարագրելի ու զարմանահրաշ այս տեսիլքով Միածինը կը մատնանշէ Մայր տաճարի հիմնադրման վայրը: Սուրբի այս տեսիլքը կը կոչուի «Շողակաթ», քանզի Ս. Գրիգոր Լուսաւորիչը կը տեսնէ, թէ ինչպէս երկինքէն շող մը կ՛իջնէ: 

Պատմական տեղեկութիւններու համաձայն, Էջմիածնի Մայր Տաճարը նուիրագործուել և օծուել է 303 թուականին, Ս. Կոյսի Վերափոխման տօնի օրը: Ըստ Մաղաքիա արք. Օրմանյանի՝ քանի որ Մայր Տաճարը նուիրուած է Սուրբ Աստուածածնի անուանը, Հայ Եկեղեցին Վերափոխման տօնի նախընթաց շաբաթ օրը կը նշէ Շողակաթի տօնը:

1700 տարի հայ մարդու համար նուիրական ուխտատեղի դարձած Մայր Աթոռ Ս. Էջմիածինը Հայ Առաքելական Սուրբ Եկեղեցւոյ  հավատքի օրրանն ու սրբութիւն սրբոցն է` իր հոգևոր, ազգային ու պատմական նշանակութեամբ` հիմնադրուած Աստուծոյ Միածին Որդիի միջոցով: 

Ս. Գրիգորի տեսիլքով Աստուած իջաւ մեր դրախտավայր երկիրն ու կանխորոշեց հայ ժողովուրդի ապագան` որպէս ընտրեալ ժողովուրդ մը, որն առաջինը հռչակեց քրիստոնեութիւնը որպէս պետական կրօն և իր սրտով ընդունեց Երկնաւոր Վարդապետի սիրոյ վարդապետութիւնը:

Աղբիւր։ Qahana

Թարգմանութիւն Անուշ Գարմէն Սար

İlk yorum yapan siz olun

Bir Cevap Yazın