Հայաստանի կառավարությունն իր այսօրվա՝ օգոստոսի 1-ի նիստում որոշում կայացրեց 2019 թվականի օգոստոսի 6-17-ը կայանալիք` համահայկական ամառային յոթերորդ խաղերին մասնակցելու նպատակով Հայաստան ժամանող, մարզական պատվիրակության անդամ հանդիսացող օտարերկրյա քաղաքացիներն ազատել մուտքի արտոնագրի տրամադրման համար նախատեսված պետական տուրքի վճարումից:
Հարցը կառավարության նիստում ներկայացրեց ԱԳ փոխնախարար Ավետ Ադոնցը: Նա նշեց, որ նախագծով առաջարկվում է վերոնշյալ խաղերին մասնակցելու նպատակով ՀՀ ժամանող օտարերկրյա քաղաքացիներին ազատել Հայաստանի Հանրապետության մուտքի արտոնագրի համար նախատեսված պետական տուրքի վճարումից:
Նախագծի ընդունման արդյունքում Համահայկական ամառային յոթերորդ խաղերի օտարերկրյա քաղաքացի մասնակիցները կազատվեն Հայաստանի Հանրապետության մուտքի արտոնագրի համար նախատեսված պետական տուրքի վճարումից:
Հիշեցնենք, որ Համահայկական ամառային 7-րդ խաղերի բացումը տեղի է ունենալու Ստեփանակերտում: Այս առնչությամբ փոխվարչապետ Տիգրան Ավինյանն ասաց. «Մենք դա անում ենք որոշակի դժվարին խնդիրներ հաղթահարելով: Սա աննախադեպ է եւ հետագայում նույնպես սա հնարավորություն կտա էլ ավելի մեծ մասշտաբի միջոցառումներ անցկացնել այնտեղ»:
İlk yorum yapan siz olun