«Պոլսոյ պատրիարքի իրենց թեկնածութիւնը պէտք է դնեն, Թուրքիա ծնած, աշխարհի որեւէ տեղ գտնուող հայ հոգեւորականները»,- այսպէս ըսած է Փայլան, թրքական Bianet.org կայքի լրագրողին, Պոլսոյ հայոց պատրիարքական տեղապահի ընտրութենէն ետք:
Թուրքիոյ խորհրդարանի հայ պատգամաւոր Կարօ Փայլանը նշած է, որ պատրիարքական տեղապահի ընտրութիւնները տեղի ունեցած են փոքր սխալով մը, քանի որ մասնակցած են ընդամէնը 2 հոգեւորական, մինչդեռ պէտք է մասնակցէին աշխարհի որեւէ վայր գտնուող եւ Թուրքիա ծնած հայ հոգեւորականներէն ցանկացողը:
Փայլանը շեշտած է, որ պատրիարքական տեղապահի ընտրութիւններէն յետոյ, արդէն կը մտնեն պատրիարքի ընտրութիւններու կազմակերպման փուլ՝ յուսալով, որ երկրի ՆԳ նախարարութիւնը անյապաղ կու տայ կայանալու թոյլտուութիւնը:
«Պոլսոյ պատրիարքի ընտրութեան համար պէտք է նամակ գրել ու հրաւիրել աշխարհի բոլոր մասերը ապրող եւ Թուրքիա ծնած բարձրաստիճան հայ հոգեւորականներուն, պատրիարքի թեկնածութիւնը դնելու: 10 տարի ընտրութիւն տեղի չէ ունեցած: Պատրիարքարանը կառավարուած է նշանակովի անձի կողմէ: Հիմա ժամանակն է ժողովրդական ընտրութիւն կազմակերպելու»,- ըսած է Փայլանը:
Նշենք, որ քանի մը օր առաջ Պոլսոյ հայոց պատրիարքական տեղապահ ընտրուեցաւ Սահակ եպս. Մաշալեանը՝ 2 ձայն աւելի հաւաքելով միւս թեկնածու ՝Արամ արք.Աթեշեանէն:
İlk yorum yapan siz olun