Մառլենա Հովսեփյան
«Ռադիոլուր»
Հայոց ցեղասպանության 104-րդ տարելիցի կապակցությամբ Փարիզի քաղաքապետ Անն Իդալգոն այսօր կազմակերպել է ընդունելություն եւ հյուրընկալել Ֆրանսիայի հայ համայնքի ներկայացուցիչներին, ֆրանսիացի պաշտոնյաների։
Իր ելույթում Անն Իդալգոն նշել է, որ Մեծ եղեռնի տարելիցը Ֆրանսիայում նշվում է ինչպես պաշտոնական, այնպես էլ ազգային մակարդակով:
«Այսօր մենք բոլորս համախմբված ենք Հայոց ցեղասպանության ճանաչման և այն մերժողներին դատապարտելու գաղափարի շուրջ»,- նշել է Փարիզի քաղաքապետը:
Անն Իդալգոն նաև ընդգծել է ֆրանսահայ համայնքի մեծ դերն ու նշանակությունը Ֆրանսիայի կյանքում:
Հանդիպմանը ելույթ են ունեցել նաև Ֆրանսիայի հայկական կազմակերպությունների համակարգող խորհրդի համանախագահներ Մուրադ Փափազյանն ու Արա Թորանյանը:
Ընդունելությանը ներկա է գտնվել ու ելույթով հանդես եկել Ֆրանսիայում Հայաստանի արտակարգ և լիազոր դեսպան Հասմիկ Տոլմաջյանը:
Փարիզի քաղաքապետի կազմակերպած ընդունելությունից հետո Փարիզի Սուրբ Հովհաննես Մկրտիչ առաջնորդանիստ եկեղեցում մատուցվելու է Սուրբ պատարագ՝ ի հիշատակ Մեծ եղեռնի զոհերի:
Այնուհետև տեղական ժամանակով 18-ին Ֆրանսիայի մայրաքաղաքի «Երևան» պուրակից, որտեղ գտնվում է Կոմիտասի հուշարձանը, Ֆրանսիայի գլխավոր պողոտայով՝ Շանզ Էլիզեով տեղի կունենա քայլերթ դեպի Թուրքիայի դեսպանատուն:
Տեսանյութը և լուսանկարները տրամադրել է Լիանա Մարգարյանը
İlk yorum yapan siz olun