Հայաստանի վարչապետ Նիկոլ Փաշինյանը աշխարհի ուշադրությունն է հրավիրել Թուրքիայի նախագահՌեջեփ Թայիփ Էրդողանի «ատելության քարոզի» վրա:
Փաշինյանը Twitter- ի իր միկրոբլոգում անդրադարձել է Էրդողանի «հայկական հրոսակախմբերի» մասինհայտարարություններին:
«Հայոց ցեղասպանության զոհերին, Օսմանյան կայսրության ողջ հայ ազգաբնակչությանը «հայկական հրոսակախումբ» անվանելը, 1.5 միլիոն մարդ սպանելն ու դա որպես «ամենախելամիտ գործողություն» արդարացնելը ոչ միայն նոր բարձրունք է ժխտողականության մեջ, այլև մի ամբողջ ժողովրդի բնաջնջման արդարացում», ասել է Նիկոլ Փաշինյանը:
«Ի վերջո, ապրիլի 24-ին այս հայտարարությունն անելը մեծագույն վիրավորանք է հայ ժողովրդի և ողջ մարդկության նկատմամբ, ծայրահեղ «ատելության քարոզի» անձամբ Էրդողանի կողմից։ Աշխարհից պահանջւմ եմ արձագանքել»,- հավելել է Փաշինյանը։
Թուրքիայի Հանրապետության նախագահ Ռեջեփ Թայիփ Էրդողանն այսօր հայտարարել էր, որ «հայերի տեղահանությունը ամենաողջամիտ որոշումն էր»: Այս մասին գրառում էր հրապարակվել Թուրքիայի նախագահականի թվիթերյան միկրոբլոգում:
«Անատոլիայի մուսուլմաններին, նույնիսկ կանանց, երեխաներին ու ծերերին կոտորող հայկական հրոսակախմբերի ու նրանց աջակիցներիի տեղահանությունը ամենաողջամիտ որոշումն էր, որ կարելի էր կայացնել այդ ժամանակահատվածում», – հայտարարել է Էրդողանը:
İlk yorum yapan siz olun