Կյանքի 88 -րդ տարում կյանքից հեռացել է հայտնի եւ սիրված ռեժիսոր Գեորգի Դանելիան։
«Հաջողության ջենթլմենները», «Կին- ձա- ձա», «Միմինո», «Աֆոնյա»։ Այս բոլոր սիրված ֆիլմերի ռեժիսորը հենց Դանելիան էր։
Գեորգի Դանելիան հոսպիտալացվել էր փետրվարին՝ թոքաբորբի պատճառով: Նա հայտնվել էր վերակենդանացման բաժանմունքում և ժամանակավորապես միացվել արհեստական շնչառության սարքին:
Գեորգի Դանելիան ծնվել է 1930-ի օգոստոսի 25-ին՝ Թբիլիսիում։ Նա վրացական ծագմամբ խորհրդային ու ռուս դերասան է, կինոռեժիսոր, սցենարիստ, ԽՍՀՄ ժողովրդական արտիստ (1989), ԽՍՀՄ պետական մրցանակի (1978), ՌՍՖՍՀ՝ Վասիլև եղբայրների անվան պետական մրցանակի (1981), Ռուսաստանի Դաշնության պետական մրցանակի (1996) դափնեկիր:
1955 թվականին ավարտում է Մոսկվայի ճարտարապետական ինստիտուտը։ 1956 թվականին ընդունվում է նոր բացված Սցենարիստների ու ռեժիսորների բարձրագույն կուրսեր, որն ավարտում է 1959 թվականին։
1959 թվականին Գեորգի Դանելիան սկսում է աշխատել «Մոսֆիլմում» որպես բեմադրող-ռեժիսոր։ Դանելիայի առաջին ֆիլմը՝ «Սերյոժա», (նկարահանել է Իգոր Տալանկինի հետ համատեղ) գրավեց քննադատների ու հանդիսատեսի ուշադրությունը։ Գեորգի Դանելիայի ծրագրային աշխատանքը դարձավ «Ես քայլում եմ Մոսկվայով» ֆիլմը, որը մշակութային իսկական իրադարձություն էր խրուշչովյան հալոցքի տարիներին։
İlk yorum yapan siz olun