«ԿԻԼԻԿԻԱ» ԹԱՆԳԱՐԱՆԸ ՇՈՒՏՈՎ ՊԻՏԻ ՎԵՐԱՆՈՐՈԳՈՒԻ

«Անթիլիաս»-Ն.Ս.Օ.Տ.Տ. Արամ Ա. Կաթողիկոսին գլխաւորութեամբ, 5 Մարտ 2019-ին, Կաթողիկոսարանի ճարտարապետները աշխատանքային հանդիպում մը ունեցան Մայրավանքի «Կիլիկիա» թանգարանին մէջ: Հանդիպման ընթացքին ճշդուեցան թանգարանի վերանորոգման ու վերադասաւորման առնչուած աշխատանքներու ընթացքը: 
Յայտնենք, որ թանգարանին բացումը կատարուած էր 30 Մարտ 1998-ին: 
Թանգարանի վերանորոգման աշխատանքներուն իր նիւթական մասնակցութիւնը պիտի բերէ Հիւսիսային Ամերիկայի Արեւմտեան թեմի ազգային վարչութեան ատենապետ՝ Կարօ Էշքիեան:

http://www.kantsasar.com/news/2019/03/05/42761/