ՀՀ առաջին տիկին Աննա Հակոբյանը ՀՀ վարչապետ Նիկոլ Փաշինյանի պատվիրակությանն ընկերակցելով ժամանել է Թեհրան: Աննա Հակոբյանն իր աշխատանքային օրակարգի առաջին այցը կատարել է Հայոց ազգ. «Արաքս» դպրոց, որտեղ նրան դիմավորել են Կրթության նախարարության շրջանի ներկայացուցիչը, դպրոցի տնօրենը, ծնողական խորհրդի ներկայացուցիչներն ու աշակերտությունը:
«Հայերն այսօր»-ը, հղում կատարելով «Ալիք» օրաթերթին, հայտնում է, որ Աննա Հակոբյանը այցելելով կրթօջախի տարբեր հատվածներ՝ ծանոթացել է աշակերտներին կրթելու կիրառվող մեթոդներին, ինչպես նաև հայապահպանմանն ուղղված ծրագրերի իրականացմանը:
ՀՀ առաջին տիկինը կարևորել է սփյուռքյան գաղթօջախներում կատարված նման աշխատանքները և գնահատել իրանահայության երկարամյա փորձն այդ ուղղություններում:
Լուսանկարները` «ACE film»-ից
İlk yorum yapan siz olun