Հայկական արմատներ ունեցող ֆրանսիացի հանրահայտ կոմպոզիտոր Միշել Լեգրանը, որը վախճանվել է շաբաթ երեկոյան, աչքի էր ընկնում անսպառ տաղանդով, ասել է Ֆրանսիայի մշակույթի նախարար Ֆրանկ Ռիեսթերը, տեղեկացնում է ՌԻԱ «Նովոստի»-ն։
«Մեծ հուզմունքով իմացա Միշել Լեգրանի վախճանվելու մասին։ Հանճարեղ կոմպոզիտորը, որի տաղանդն անսպառ էր, եւ որը փառքի է արժանացել ողջ աշխարհում, այսքան հույզեր է ծնել»,- գրել է նախարարն իր Թվիթերում։
Նա ավելացրել է, որ «այսօր առավոտյան մենք բոլորս երգում էինք Լեգրանի մեղեդիները», եւ ցավակցություն է հայտնել նրա կնոջն ու մերձավորներին։
Հանրահայտ կոմպոզիտոր, դաշնակահար Միշել Լեգրանը մահացել է շաբաթ գիշեր։ Նա ծնվել է կոմպոզիտոր, դիրիժոր եւ վարիետեի նվագախմբերից մեկի ղեկավար Մարսել Տեր-Միքայելյանի ընտանիքում, որն անվանի հայկական ընտանիքից էր սերում։
Լեգրանը հայտնի է որպես ֆիլմերի համար գրված երաժշտության հեղինակ։ Մասնավորապես, նա գրել է երաժշտություն «Շերբուրյան հովանոցներ» (1964), Աղջիկները Ռոշֆորից» (1967), «Թոմաս Քրաունի խարդախությունը» (1968) ֆիլմերի համար։
İlk yorum yapan siz olun