Թուրքիոյ Հայ կաթողիկէ հասարակութեան վիճակաւոր Տ. Լեւոն Արք. Զեքիեան նախընթաց օր Սաքըզաղաճըի Արքեպիսկոպոսարանին մէջ հիւրընկալեց Իսթանպուլի գլխաւոր միւֆթի Փրոֆ. Հասան Քեամիլ Եըլմազը։ Այցելութեան ընթացքին միւֆթիին ընկերացաւ իր օգնականը՝ Ճանէր Աքտեմիրլի։ Քաղաքավարական այցելութեան ընթացքին երկու հոգեւոր առաջնորդները շուրջ ժամ մը զրուցեցին սիրալիր մթնոլորտի մէջ։ Ընդունելութեան ընթացքին Զեքիեան Գերապայծառի կողքին էին քաղաքիս Հայ կաթողիկէ կղերի ներկայացուցիչները եւ Արքեպիսկոպոսարանէն պատասխանատուներ։
İlk yorum yapan siz olun