ԳԱՄԻՇԼԻԻ ԿԻՐԱԿՆՕՐԵԱՅ ԴՊՐՈՑԻ ԱՇԱԿԵՐՏՆԵՐՈՒՆ ԱՄԱՆՈՐԵԱՆ ԱՅՑԵԼՈՒԹԻՒՆՆԵՐԸ

Գամիշլիի Կիրակնօրեայ դպրոցի աշակերտները ուսուցչական կազմին կազմակերպութեամբ եւ Ճէզիրէի Առաջնորդական Փոխանորդ Հոգշ. Տ. Ռուբէն Աբղ. Նալպանտեանի հովանաւորութեամբ 21 Դեկտեմբորի առաւօտեան այցելեցին հայ տարեց, վատառողջ եւ նպաստընկալ այրիներուն, երգերով ու բարի մաղթանքներով ուրախ պահեր պարգեւեցին անոնց, ամանորեան իրենց բարի մաղթանքները յայտնեցին ու նուէրներ բաշխեցին բոլորին։ Անոնք նախքան նոր տարուան տօնակատարութիւնները յիշարժան պահերով ջերմացուցին երէցներուն Ամանորեան օրերը։

http://www.kantsasar.com/news/2019/01/03/41059/