İçeriğe geçmek için "Enter"a basın

Մասաչուսեթսի հայկական եկեղեցում կկազմակերպվի հայկական տոնավաճառ

Հոկտեմբերի 13-ին Մասաչուսեթսի Սփրինգֆիլդ քաղաքում կբացվի Հայկական բարեգործական տոնավաճառ։

Տոնավաճառի ընթացքում կներկայացվեն տանը պատրաստված հայկական ուտեստներ եւ խմորեղեն, հայտնում է MassLive-ը:

Ուտեստներից բացի, միջոցառմանը կվաճառվեն հայկական խոհանոցի մասին գրքեր, հայկական տարազով գլխաշորեր, պայուսակներ եւ զարդեր:

Հոգաբարձուների խորհրդի անդամ Կլաուդիա Մուրադյան-Բրուբախի խոսքով` այս միջոցառումը հնարավորություն է տալիս, որպեսզի մարդիկ ծանոթանան տասնամյակներ շարունակ պահպանված հայկական մշակույթի հետ:

Շուկայում վաճառքից գոյացած գումարն ուղղվում է այլ միջոցառումների կազմակերպմանը, եկեղեցու ծախսերին եւ պահպանմանը:

Սուրբ Գրիգոր հայկական եկեղեցին կառուցվել է 1934 թվականին, և համայնքը բավականին ակտիվ է: Եկեղեցու ներկայիս շենքը կառուցվել է 1968 թվականին եւ ունի տիպիկ հայկական ճարտարապետություն։ Այն նման է Հայաստանի երկու հայտնի եկեղեցիների` Սուրբ Հռիփսիմեի եւ Աղթամարի տաճարներին:


https://news.am/arm/news/474959.html

İlk yorum yapan siz olun

Bir Cevap Yazın