İçeriğe geçmek için "Enter"a basın

«Հայաստան» Հիմնադրամի Այս Տարուան Թելեթոնը Տուն Պիտի Նուիրէ 5 Եւ Աւելի Երեխայ Ունեցողներուն

ԵՐԵՒԱՆ, «Արմէնփրէս».– Հայաստան համահայկական հիմնադրամի 26 Նոյեմբերին կայանալիք «Հեռուստամարաթոն 2015»ի գլխաւոր նպատակն է բնակարաններով ապահովել 5 եւ աւելի երեխայ ունեցող բազմազաւակ ընտանիքները: Անիկա պիտի սկսի 26 Նոյեմբերին, Երեւանի ժամանակացոյցով ժամը 22:00ին եւ պիտի շարունակուի մինչեւ առաւօտեան ժամը 10: «Մեր տունը» խորագիրով համահայկական դրամահաւաքին ներդրում կրնայ ունենալ ոեւէ անձ՝ նպաստելով հիմնադրամի նախաձեռնած բնակարանաշինութեան:

 Հայաստան համահայկական հիմնադրամի հասարակութեան հետ կապի բաժինէն յայտնած են, որ նուիրատուութիւն կարելի է կատարել հաղորդագրութիւն ուղարկելով 8000 թիւին կամ հեռաձայնելով 090008000 («Վիվասել-Էմ.Թի.Էս.», «Պիլայն», «Օրանժ Արմէնիա», «Եուքոմ», «Ռոստելեկոմ») (Նոյեմբեր 1–30)՝ նուիրելով 500 դրամ: Կարելի է նաեւ գումար տրամադրել՝ այցելելով Հայփոստի որեւէ բաժանմունք (Նոյեմբեր 1–30), այցելելով հիմնադրամի գործադիր վարչութիւն (շուրջ տարի), ձեր դրամատունէն փոխանցում կատարելով հիմնադրամի՝ Հայաստանի Կեդրոնական դրամատան հաշիւին 103003215672 /դրամ/, 103003615673 (տոլար) (ամբողջ տարին), առցանց՝ https://donate.himnadram.org (ամբողջ տարին):
Տարուան գլխաւոր դրամահաւաք–նախաձեռնութիւնը պիտի հեռարձակուի «Հայաստանի Հանրային», «Արմէնիա», «Շանթ», «Երկիր Մեդիա» պատկերասփիւռի ալիքներէն եւ համացանցային կապով՝  www.himnadram.org եւ www.armeniafund.org կայքերուն միջոցով:

Yorumlar kapatıldı.