Չորեքշաբթի 21 Մայիսին, Ֆրանչիսկոս Սրբազան Քահանայապետը, Գերյարգելի Լեւոն Պօղոս Վրդ Զէքիեանը անուանեց` Իսթանպուլի Հայ Կաթողիկէ Արքեպիսկոպոսական թեմի Առաքելական Կառավարիչ, անոր շնորհելով Արքեպիսկոպոսի տիտղոսն ու աստիճանը։
Յայտնենք որ վերոյիշեալ թեմի օգնական եպիսկոպոսը` գերապայծառ Գէորգ Խազումեան` ներկայացուցած էր իր հրաժարականը եւ Տանն Կիլիկիոյ Կաթողիկէ Հայոց ` Ներսէս Պետրոս ԺԹ Կաթողիկոս – Պատրաիրքը, եպիսկոպոսներու մնայուն սիւնհոդոսի հաւանութեամբ, ընդունած էր հրաժարականը, տեղեակ պահելով Սուրբ Աթոռը։
Գերապայծառ Լեւոն Զէքիեանը ծնած է Իսթանպուլ` 21 հոկտեմբեր 1943-ին։ 12 տարեկանին կը մտնէ Վենետիկի Մխիթարեան միաբանութեան դպրեվանքը։ 1964-ին կը կատարէ իր կրօնաւորական ուխտերը եւ 21 Մայիս 1967-ին կուսակրօն քահանայ կը ձեռնադրուի։1993-ին դարձած է Վենետիկի Պատրիարքութեան թեմի անդամ։
Գերապայծառ Զէքիեանը իր առաքելական ծառայութիւնը մատուցած է Վենետիկի Սփիւռքահայութեան, յատուկ կերպով նուիրուելով համամիութենական ասպարէզին, յատկապէս Հայ Առաքելական Եկեղեցւոյ հետ կապեր մշակելով։
Գերայածառ Զէքիեանը երկար տարիներ եղած է Վենետիկի Քա՛ Ֆոսքարի համալսարանի Հայ Լեզուի եւ մշակոյթի դասախօս։ Ան եղած է Հայաստանի Հանրապետութեան գիտութեան ակադեմիաի դասախօս, ինչպէս նաեւ Արեւելեան Եկեղեցիներու Ժողովի խորհրդատու։
Ռատիովատիկանի հայկական բաժնի անձնակազմը կը շնորհաւորէ գերապայծառ Զէքիեանը, անոր մաղթելով Աստուածանուէր բեղուն առաքելութիւն։
Բնագիրը քաղուած է Ռատիովատիկանի կայքէջի http://hy.radiovaticana.va/news/2014/05/21/ֆրանչիսկոս_պապը_գերյարգելի__լեւոն_վրդ.__զէքիեանը_անուանեց%60__պոլսոյ_հայ/arm-800906
էջէն
Kamer Cezveciyan [k.cezveciyan@gmail.com]
http://hy.radiovaticana.va/news/2014/05/21/%D6%86%D6%80%D5%A1%D5%B6%D5%B9%D5%AB%D5%BD%D5%AF%D5%B8%D5%BD_%D5%BA%D5%A1%D5%BA%D5%A8_%D5%A3%D5%A5%D6%80%D5%B5%D5%A1%D6%80%D5%A3%D5%A5%D5%AC%D5%AB__%D5%AC%D5%A5%D6%82%D5%B8%D5%B6_%D5%BE%D6%80%D5%A4.__%D5%A6%D5%A7%D6%84%D5%AB%D5%A5%D5%A1%D5%B6%D5%A8_%D5%A1%D5%B6%D5%B8%D6%82%D5%A1%D5%B6%D5%A5%D6%81%60__%D5%BA%D5%B8%D5%AC%D5%BD%D5%B8%D5%B5_%D5%B0%D5%A1%D5%B5/arm-800906
Yorumlar kapatıldı.