Հ.Հ անկախութեան հռչակաման 23.րդ տարելիցին , արտագաղթի թէման հայ հասարակութեան օրակարգի մէջ կարեւոր տեղ մը կը գրաւէ: Այս թեման երկար ատենէ ի վեր լուրջ ձեւով կը շօշափուի հայ աշխարհի մէջ, եւ ողջամիտ ու հեռատես բոլոր հային սիրտին ցաւ պատճառելով , հայ անհատը խիստ մտահոգութիւններու կը մղէ.Ոչ պաշտօնական տուեալներու , վերջին շուրջ 10 տարուայ ընթացքի մէջ, 1,8 միլիօն հայ արտագաղթած է Հայաստանէն ,եւ կը շարունակէ արտագաղթել, որուն գլխաւոր պատասխանատուները հանրապետութեան անցեալի ու ներկայ գործող իշխանութիւններն են, որոնք պարտաւորութիւնը ունին երկրի սոցեալական-տնտեսական իրավիճակը փոխելու քայլեր ձեռնարկել.
Բոլորիս գաղտնիք մը չէ որ, բարեկեցիկ երկրէ մը զանգուածային արտագաղթ մը տեղի չունենար, ընդհակառակը սոցեալական-տնտեսական զարգացած երկրի համար յատկապէս, ներգազթը մեծ խնդիր մըն է.
Ըստ իս, Հայաստանի արտագաղթը կարելի է, երեք գլխաւոր խումբերու մէջ քննարկել.
Առաջին խումբը կը կազմեն սոցեալական-տնտեսական պատճառներով այլ երկիրներ աշխատանք փնտրելու ստիպուողները, անոնք որոնք սոցեալական ոչ մի ապահովութիւն ունին.
Եկրորդ խումբին կը պատկանին անոնք որոնք , ոչ սոցեալական-տնտեսական պատճառներով այլ անհատական պատճառներով կ’արտագաղթեն, ինչպէսին, օտարամոլութիւն, ազգային դաստիարկութեան բացակայութիւն, ընտանեկան կապակցութեան հարցեր եւայլն, այս խումբին պատկանողներու մեծամասնութիւնը Հայաստանի մէջ բարեկեցիկ ապրողներն են.
Իսկ կայ նաեւ արտագաղթող երրորդ խումբ մը, որոնք ընդհանրապէս երետասարդ տղաքներ են , որոնք Հայ բանակի մէջ տիրող խնդիրներու ու վերջին շրջաններու սպայական կազմի անմարդկային վերաբերմունքներու պատճառաւ, բանակին ծառայել չեն ուզեր,եւ օտար երկիներ գաղթելով , օտար քաղաքացիութիւններ կը պահանջեն, որը ըստ իս, երկրի ապագայի վերաբերեալ ծանր վնասներու կրնայ ծնունդ տալ.
Ըստ իս, Հայաստանի արտագաղթը կասեցնելու համար մի միայն երկրի սոցեալական ու տնտեսական զարգացումը բաւարարա չէ, քանի որ երկիրը լքողները , տարբեր պատճառներ ունին, սակայն, հնարաւոր է, այն սփիւռքի հայերուն Հայաստան ներգաղթելու համար բարենպաստ պայմաններ ապահովել , որոնք կը սիրեն իրենց նախնիներու հայրենիքը ապրիլ: Խօսքը, Պարսկաստանէն, Իրաքէն, Սիւրիայէն եւ նման այլ երկիրներէն Հայաստան ներգաղթելու ցանկութիւն ունեցողներուն մասին է: Այս քայլով միայնգամայն կը լուծուի երկու խնդիր, նախ, անոնք փոխանակ Ա.Մ.Ն,եւ Եւրոպայ եւ կամ այլ երկիրներ ներգաղթելու Հայաստան ներգաղթելով , կը փրկուին հաւանական “ձուլում”էն, իսկ երկրոդն ալ Հայաստանի ժողովրդագրական բացասական ընթացքը կը հաւասարակշրուի :Եւ նաեւ , եթէ յատուկ ուշադրութիւն դարձուի ,Հայաստան ներգաղելով սեփական փոքր գործ սկսելու ցանկութիւն ունեցող սփիւքի հայերու հանդէպ,արդէն իսկ շատ կարեւոր քայլ մը առնուած կ’ըլլայ , արտագաղթի հիմնախնդիրի լուծման ուղղութեամբ, որը հիմնախնդիրի լուծման մէկ եւս պարզ միջոցներէն մըն է եւ նաեւ հնարաւորութեան տեսակ մը, որը Հայաստանի կարավարութեան կողմէ անտես կ’առնուի :
Արտագաղթը ,երկրի մը ամենակարեւոր հիմնախնդիրներէն մին է որ,կրնայ լուրջ աւերներու ու ահաւոր վտանգներու ծնունդ տալ, հետեւաբար,երկիր մը պետութեան առաջնահերթ պարտաւորութիւնն է ,երկրի արտագաղթի կասեցման լուծում եւ կամ լուծումներ արագօրէն մշակել :
Տքթ.Սարգիս Ատամ
Գերմանիա
Yorumlar kapatıldı.