YENİ YILINIZ KUTLU OLSUN

Yeni yılda her şey gönlünüzce olsun.
HYETERT

Կաղանդի Գիշեր

Ամէն ինչ ծայրէն վերսկսելու
Ի վերջոյ նորէն այդպէս ըլլալու
Տօնն է այս գիշեր –

Լոյսեր վառեցէք – եթէ չի բաւեր
Ձեզ տաքցնելու ձեր լոյսը ներքին –
Տօն է այս գիշեր –

Պահ մը ամէն ինչ վերջացնելու
Ամէն ինչ ծայրէն վերսկսելու
Տօնն է այս գիշեր –

Յոյսեր վառեցէք – եթէ չեն բաւեր
Ձեզ տաքցնելու ձեր յոյսերը հին –
Տօն է այս գիշեր –

Երգել փորձեցէք – եթէ չէք մոռցեր
Խանդոտ երգերը ձեր պարմանութեան –
Տօն է այս գիշեր –

Զուր տեղ վատնուած օրերն յիշելու –
Գոյութեան տխուր հաշուեկշիռին
Տօնն է այս գիշեր –

Լոյսեր ու յոյսեր վառեցէք գոյն գոյն –
Երգեր երգեցէք հինէն ու նորէն –
Տօն է այս գիշեր –

Գոյատեւելու տօնն է այս գիշեր

Զահրատ